يوم حلو ويوم مرولو كل الايام مرة واليوم الحلو لسه ماجاش الواحد يعمل ايه
بعد ماشفت ان في ناس عايشة تحت خط الفقر ومش عارفين يعيشوا والفلم ده بيتعرض على قناة اوربت قريبا شوفت ازاي ناس مش عارفة تلاقي لقمة العيش فقولت الحمد لله على كل شئ
والله انا قلبي بيتقطع على شبابنا اللي مغيب وقاعد بالمئات لا والالاف على القهاوي يشيش ويلعب دومنو وكمان كوتشينة ولا على باله انا سنه بيكبر ولازم يشوف حياته ويعمر الارض اللي ربنا امرنا بتعميره مش شرب الشيشة
هم بيرصوا احجرة الاساس بس فس الشيشة مش بيوتهم وحياتهم وفاكرين ان الدنيا ماتشات بتنذاع ومشاريب اندفعت وخلاصنا
انا كل ماشوف في شعري شعرة بيضة اخاف من الزمن ونفسي ادرس واشتغل واستفيد من اليوم ولو بالكتابة زي ما انا بعمل دلوقتي انا مش قديس عشان اوعظ في الناس بس صعبان عليا الشباب ديه والله
ده فيه شباب ممكن يقطع جبل ببلطة من غير ميعرف ليه للمجرد الزهق انا شايف انها عقول مهدرة وتفكيرها منصب على الجنس ومتابعة اخبار النجوم والكورة وده تمنه كام وديه اشتغلت الفلم ده بكام بالزمة مش حرام تكون كل ايامنا مر ومفيش ولا يوم حلو
الشباب بقوا عواجيز من غير مايحسوا وكان زمان اللي يقعد على القهوة بتوع المعاش واللي مالوش شغلة
بسده حرام وظلم بين مش هقول حلول لاني مش مسئول منهم وانا في مشاكل زيهم ولا لاني احسن حالا منهم بس انا حسبتها صح انا مش خسران لو جربت وخسرت
بس مش هسمح لحد يسرق شبابي مني وهدافع عنه لاخر نفس في عمري
انا دلوقتي بدور في الجرايد عن دورات لغات اجنبية وكمبيوتر وده عشان مش هينفع اسجل دراسات عليا وانا في فترة التكليف فبدور استفيد من وقتي في حاجة مفيدة ياريت تفكروا تستفيدوا انتو كمان ونقول افكار لبعض
عشان تبقى حياتنا ايام حلوة وننسى الايام المرة
|
في: 3:47 PM, 13/4/2006 | تعليق (0) | اضافة تعليق | رابط |
money is the secret code
|
money is the secret code
also it is the virus u can invade every thing with it
some people is prisoned in themselves but in their lives also u can in a place i.e stuck on it although u r free i got an exemple on that subject or issue
never say it is impossible there is no way out if u believe in god
i belive every problem has a clue but it could be hidden or unknown to us
|
في: 11:47 PM, 10/4/2006 | تعليق (0) | اضافة تعليق | رابط |
|
الباشا
| الباشا
ذكرى الفنان الكبير احمد زكي التانية ومش قادر امسك نفسى من الحزن عليه وقطرات عينى تنساب
بجد انا حبيت احمد زكي زكأني بعرفه شخصيا وذللك لكريزمته العالية جدا وهو في مصاف نجوم كتير منهم الفنان عادل امام الزعيم وسبق اني عملت صفح عنه قبل كده المهم احمد زكي في قلوبنا ومش هنسها ابدا لانه قيمة فنية لا تقدر بمال وفعلا حسيت بقيمته عندي وكل جمهوره
النهاردة هعرض لقطات من احلى افلامه للمخرج طارق العريان وهو فيلم الباشا والفيلم ده بموسيقته التصويرية الناعمة بيلمس حاجات في قلبي مش هقدر اعبر عنها وكل ما يعرض بيثير شجن جوايا مش عارف اعبر عنه بس هو في مصاف افلام بعشقها ومنهم ارض الخوف برضه لكن الباشا اجمل افلام الباشا احمد زكي قصة الفيلم بتدور حول الظابط حازم او احمد زكي اللي بيحاول يكشف فساد احد الملاهي الليليه واللي بيديرها جو او محمود حميدة واثناء محاولاته للايقاع بشبكة الدعارة بتاعة القواد جو بيقع في حب سارة او منى عبد الغني اللي كانت مصدر معلومات ليه واحمد زكي كعادته متفوق على نفسه وخدمه الكاست الموجود وبخاصة جروب الباجوري عشان تصميم المعارك وكمان موسيقى تصويرية ولا احلى من كده للعبقري ياسر عبد الرحمن وكلمات اغاني المطربة منى عبد الغني وكمان ترابط المشاهد ومنتاجه فوق الوصف ونقلات المشاهد الناعمة واللي بتحسسك انك داخل الملهى نفسه مش ديكور معمول للفيلم نفسه
الفلم بصراحة تحفة فنية واخراجه ممتاز للمخرج طارق العريان اللي عرف يسيطر على ادواته ويطلع احسن مافيها
الفنان القدير محمد السبع كان ليه مشاهد ممتازة مع النجم احمد زكي وكمان مقولات مهمة ومنها ازاي تعرف تقبض على مية مجرم من غير ما تظلم برئ واحد توقيت اخذ الشوتات في الفجر والامكان الخارجية على النيل واللي اديت الفلم شعور جميل جدا وهو عكس الليل بتاع الفساد لان الدعارة لازم تكون في امكان مظلمة ومقفولة والتضاد والفرق بينهم كان ليه معنى واضح
برضه احب اعلق على مشاهد الكافيه اللي كان معتاد يقضي وقته فيه كانت ممتازة وبتبين الحالة النفسية بتاعت احمد زكي
اخر مشهد مع سارة وهو من الماستر سينس اللي في الفلم كان روعة الاداء والحوار ممتازة وهو بيقنع سارة اللي مقتنعة بفكرة البوي فريند اني مفيش حاجة اسمها بوي فريند ومكانة خاصة للواحد غريب لا تربطه بيها زواج وان في ناس كتير لسه بسيطة ماخدتش من بره على الجاهز
وانا التقاليد الشرقية لازم تحترم والمشهد ده لخص رؤية الفلم في 3 دقائق بس
بصراحة الفلم ممتاز اسيبكم مع الصور ولنكات الموسيقى التصويرية وكليب من الفلم
ارجو تحميلهم وتقولوا رأيكم فيها
ملف الموسيقى التصويرية
حجم الملف: 280.957KB
|
في: 11:43 PM, 10/4/2006 | تعليق (0) | اضافة تعليق | رابط |
|
تجديد مسجد الصحابة
تجديد مسجد الصحابةفي يوم 10 ابريل عام 2006 تم تجديد المسجد وتغيير الفرش الخاص به وذلك فضل من الله قد من به الله على والدي وذلك عندما قد وعد بتجديد فرش الجامع الكبير في الحي الذي اقطن فيه بعد حدوث شئ معين وقد قال لي انه صلى لله تعالي بعد تحقق هذا الحدث انه سوف يقوم بتجديد الموكيت بالجامع الكبير وايضا الزاوية الموجودة في بيت جدتي
وقد تحقق.لقد قمت بتوصيل طعام الاطعام للمسجد وصواني الشاي وما يلزم من هذة الاشياء وكانت سعادتي لا توصف.لا استطيع ان اوصف مدى فرحي بخدمة الجامع والمساعدة في فرشه وصلاة اول ركعتين على الفرش الجديد والله بعد بذل مجهود في هذا العمل المثالي اتاب الله والدي ونحن عليه ,حسيت براحة نفسية لما اشهدها وطول فترة ما بعد صلاة العشاء وحتى الساعة التانية بعد منتصف الليل اخذنا نعمل في الجامع حتى يفاجأالمصلين في اليوم التالي بشكل الجامع بعد فرشه وتألقه جعلنا الله من خدام هذا الدين وبيوته
|
في: 11:36 PM, 10/4/2006 | تعليق (0) | اضافة تعليق | رابط |
|
the memories chased me
|
the memories chased me
عمرك حسيت انك اتخنقت من ذكرياتك
الحلوة اكيد بنحبها والوحشة بتبقى كابوس انا نفسي تعبت من الذكريات يمكن الموضوع ده مكنش بيحصل قبل كده
لحد مابقيت عايش في مجموعة كوابيس وده بعد ماروحت سيناء للدرجة اني لما باقوم من النوم بنسى انا كنت فين والله الموضوع ده بيقلقني جدا وفكرت استشير دكتور نفساني بس انا عارف ان ده مؤقت وهينتهي لما يزول السبب واسيب سيناء خالص واستقر وحياتي ترجع لروتينها اليومي
الذكريات الحلوة ساعات بتضيقني لانها دايما مبتكملش ومش عارف ليه السبب وده خصل كتير لما كنت مبسوط في الامتياز في مستشفى كتشنر وكونت صداقات مشيت منها وكذلك دورة احمد ماهر وكل قصة حب كنت بخشها كانت في اولها بتبقى حلوة جدا واخرها مش ولابد بصراحة نعمة النسيان ديه لا تقدر بثمن ابدا وكل ما افتكر ذكرى من الماضي باعيش معها وكاني بتفرج على فلم سينما للدرجة اني بنسى الوقت .....يمكن عشان مش حابب الواقع دلوقتي او لاني حبيت الماضي وبراءته او عشان المستقبل دايما مجهول والمجهول دايما بيخوفنا
والماضي معلوم لينا فالاجزاء الؤلمة منه بنحزفها او بنتظاهر بحزفها وبكده المعيشة فيه اسهل من الواقع الملئ بالمفاجأت |
في: 11:35 PM, 10/4/2006 | تعليق (0) | اضافة تعليق | رابط |
|
النظرية النسبية لاينشاتين
| النظرية النسبية لاينشاتين
einsten the big prof said that in his theory which waste his entire life in composing it
that time is relatively felt by us as it is not a constant thing to count,also he tried to make a formula to count the energy
we shouldnt evalute everything with time bcoz time is variable
i mean u cant feel the time while u doing something u like but it could be like a stone while u obligated to do something u dont like, right!
such as .when u watch ur favorite movie u cant feel the time of showtime,but if u at a horrible situation u 'll find that time is so hard to pass
so many times i dont feel time is passing but also in the same time,u can feel that minutes dont change also if we try to count time u will find it passes periodically but if we dont notice it ,u will nt feel it
philsophy !not a theory but it is afact u can feel it any time
i believe in that theory so if u accept it or not dont matter
it is the science.einstein himself said that after experiments and his entire life gone in proving his theory
i watched a documtery movie about him in el jazeraa ch.
and he was very ill,on his last moments said that every problem has a solution and lif is so simple and all our knowledge is a drop in god's universe and we should explor things to reach one true thing and dicover that allah is exist
also he said i have a clue for every thing and if i havent any clue,i will try to find it
that man who was suffer from the fire of nazism and wars in germany
prefer to live in a closed lab. to know what the truth of life
some prof.s said this man is a genius or craziest man in the world as he could transfer the whole century with his discoveries
for me i think he fight for his basics but we fall in our first steps and say crap life is so unfair
yes we should struggle like that man who died fighting the whole world to prove that his theory is right
do u remmber when glalalio said that the earth is sherical body and the whole people was laughting at him ,and he proves his thoughts,and they killed him coz they dont want to involve themselves in unknown things
the mankind is always fear of unknown
but we should discover the unknow to get experience to live our lives
finally ,u can make a small test by watching ur clock and notice that the time is constant as u watch it but passes when u dont count it
|
في: 11:35 PM, 10/4/2006 | تعليق (0) | اضافة تعليق | رابط |
|
قليل البخت يلاقى العظم في الكرشة
قليل البخت يلاقى العظم في الكرشة
امبارح حصل موقف غلس غلاسة وانا بمضغ حتة فولية من حلويات مولد النبي اتكسر حتة من ضرسي العلوي التاني وانا بحب اسناني مووت وبحافظ عليهم جدا وده بعد ما جربت مشاكل الاسنان وانا طفل صغير وده زاد بعد دخولي كليه طب الاسنان وتخرجي منها للدرجة اني بغسل اسناني بعد اكل اي حلويات وبعدين اتنكدت بعد ما زلطة كسرت حتة من ضرسي يعني بقى بقيت دكتور وعايز دكتور لو كان بايدي كنت مقربتش من الحلويات خالص انا اصلا بكره الحلويات عموما
الموضوع ضايقني مووت .قررت اني اروح احشي الجزء ده عند دكتور عادل زميلي في المكان اللي بشتغل فيه وتخيلوا روحت امتى الساعة 2 بالليل والمهم جربت احساس المريض والدكتور في نفس الوقت على فكرة ديه تعتبر اول تدخل في اسناني من ساعة ما دخلت الكلية هو اللي بنعمله في الناس هيطلع علينا.المهم اغسلو سنانكوا كويس وبلاش اكل الحلويات عمال على بطال .مش عارف هو قليل البخت يلاقى العظم في الكرشة
|
في: 11:33 PM, 10/4/2006 | تعليق (0) | اضافة تعليق | رابط |
|
لو كان بايدي اغير الماضى والمستقبل
| لو كان بايدي اغير الماضى والمستقبل فكرت كتير اغير اللي حصل بشئ احسن
فكرة حلوة صح؟ الموضوع ده شغال في دماغي كتير من كتر ما قرفني فكرت اكتب عنه كل ما اعمل عمل غبي او احمق اقول لو كان بايدي كنت غيرته الي عكس اللي بيحصل وده حصل في عدة مواقف منها ومن غير حصرها كلها
اروع قصص حب فاشلة منهم واحدة في السنوات الاولى للمراهقة ومنهم وانا في الكليه وكمان في راس البر وكمان على النت
وموضوع تكليفي وتقديمي تظلم عشان اروح الصحرا للجهنم في حين كان عندي اروح بني سويف والغلطة ديه معكننة عليا وحاجات ياما مش هقدر احصرها وحاجات مينفعش اقولها من الاصل بسيبها لنفسي عشان تخلص عليا ببطء
فكرت انسى كتير وكأن المواضيع قضاء وقدر بس المشكلة ان اغلب المواضيع ديه بتبقى فيها اختيار
الغريبة بلف حول موضوع الانسان مخير ولا مسير وهل لو الواحد مسير يختار اي حاجة وخلاص مادام هو ده نصيبه مش عارف مش هتعب دماغي لاني مش فاهم وياريت لو حد فاهم نفسه يبقى يقولي هو فهم ايه
اللي بقيت اقتنع بيه ان في حاجات بتحصل مليش في حصولها ولاناقة ولا جمل
بصراحة الموضع ده بقى شاغل دماغي للدرجة اني سرحت امبارح في الباص وانا رايح اقابل اصحابي وفي مود تهييس |
في: 10:34 PM, 10/4/2006 | تعليق (0) | اضافة تعليق | رابط |
|
butterfly effect
|
butterfly effect
تتمة الموضوع السابق بتاع الانسان مخير ولا مسير
بصراحة انا بحس انا الانسان مسير ومخير في نفس الوقت احمممم
هفهكم والله ........اقصد يعني انا احنا بنختار نصيبنا اي بتبان ادمنا انها اختيارات لكن احنا بنختار نصيبنا وبس
اقولكم هحكيلكم قصة صاحبي اللي كان هيتجنن ويتجوز بنت زميلتنا وبعدين محصلش نصيب ورجع طلقها على الرغم انهم بيحبوا بعض لغاية دلوقتي بس نصيبهم انهم يطلقوا على الرغم من قصة الحب اللي قبل الزواج والغريبة اللي حصل بعد شهر العسل من خناقات
يعني المظهر في الاختيارات خداع وبرضه هيحصل المكتوب لينا فبلاش حداقة وارضى بالنصيب وده بعد عدة عسرات في حياتي طلعت عيني خلتني استنتج السطر اللي فات
المهم ايه موضوع بتر فلاي افيكت ده
the story of butter fly effect
is a guy who dream of past things happened to him and other people around him,and his appility to change what happened
i think he got a secret of his brain coz when he got this feeling,,his nose bleeds.and got this feeling when read in his diary book
also he change his future many times and wake up once to found that his arms cut.and restored by artificial limps
so he tried to commit sucide
then he dreams for last time to be a doctor and he decide to burn his diay books to prevent himself from changing his life again,i think he feel satisfication of his present life
يعني حتى لو حد حاول يغير من وضعه هيجي عليه اليوم اللي يفكر يوقف الموضوع ده لان القدر اقوى من اي حد
|
في: 10:30 PM, 10/4/2006 | تعليق (0) | اضافة تعليق | رابط |
|
طريق الالف ميل يبدأ بخطوة
|
طريق الالف ميل يبدأ بخطوة
مقولة صح الصح والمفروض لكل بدايه ليها اكيد نهاية واتساع المحيط اخره ارض كل ده سهل لو الطريق ممهد وعدل مش معوج وكله حصى وطوب وشوك
الطرق كتير في حياة الانسان من طريق التعليم لطريق العمل لطريق الزواج لطرق اخري مش وقتها الحديث عنها
طريق يبدا بالغلط اخرته اكيد غلط
في مقولة سمعتها بتقول للاخ ارنولد وللاخت اوبرا الامريكية
all the miles of a hard road are worth a moment of a true happiness (arnold obel)
كل الاميال في طريق وعر تستحق العناء في مقابل السعادة الحقيقية
i dont't believe in faliure if u enjoyed the process (oprah whinfrey)
انا لا اؤمن بالفشل لو استمتعت بالكفاح اي كل منهما يؤمن بان الطريق لازم يكون وعر عشان نحس ان احنا عملنا شئ مهم ويستحق وانا فعلا مقتنع بده لو كل البشر كذلك مش انت الوحيد اللي بتفحت في الصخر وحواليك ناس عمالة تضحك عليك شوف المجنون ده بيعمل ايه وياريتهم هيسبوك في شغلك لأ وهبكسرو من عزيمتك
بيحضرني قصة سيدنا نوح عليه السلام لما كان بيبني سفينته عشان الطوفان وكان كل من يعدي عليه يسخر منه لانهم يسكنون في ارض صحراوية
بس هو اللي كسب في الاخر لانهم لم يصدقوا انه بيعمل الصح واسمع انه بنى السفينة في سنين عدة
طبعا الامر ده حصل معايا ومن اقرب الناس ليا من بعض اهلي واللي كان يقول اني مستحيل اكمل تعليمي الثانوي العام وارتب على مدرستي ولكني من الابتدائية وانا متفوق على نفسي بل واني كنت ساعات اتفجأ بنفسي والله حصل
وكتير كنت بتفوق على من يسخرون مني
هقول واقعة غريبة جدا ومضحكة كمان
كان مطلوب بحث في قسم الاطفال بالفرقة الثالثة بالكلية ومطلوب بعد يومين المهم كنت شاطر في القسم ده وعملته وعشان اكشف البشر الحاقدين اديته لواحد مش زميلي قوي في الكليه وقولتله هديك البحث بس ميوصلش لحد من الطلبه يعني ليك وبس وانا كنت متأكد ان البحث هيوصلني منه نسخة تاني بالعلامة الاصليه اللي علمته على بحثي
ووبعدين تاني يوم قاعد في المدرج لقيت صاحبي الانتيم بيقولي مش عايز البحث بتاع الاطفال قولتله اشوفه الاول لاني كنت متأكد انه بتاعي
وفعلا فتحت البحث لقيته هو والعلامة عليه فقعدت اضحك لمدة ربع ساعة وبعدين فهمته القصة كلها
وطلعت من القصة ديه اني اللي بيسخر منك اكيد شايفك احسن منه
بالنسبة ليا كل طرقي كانت مشوكة والله من بدايتي في المدرسة لاني كنت متدلع وبكره الدراسة مووت ولكني تفوقت فيها وبقيت طبيب اسنان وتقديري جيد جدا
بس طريق الشغل هو اللي فعلا صعب قوي
من بداية الامتياز وانا بشتغل خاص وبتنقل من مكان لاخر وفعلا الطريق صعب والاصعب طريق التكليف لاني اتكلفت في مكان زبالة وده اقل ما يقال بس بحمد ربنا على كل شئ لاني انخدعت وصدقت كلام ناس صورو ليا جنوب سيناء انها جنة الله في الارض لكن انا مش مرتاح هناك خالص
يارب الطريق ينتهي على خير واتعين في القاهرة، بكره باذن الله هنقدم في اول حركة تنقلات ويارب تنهي الموضوع ده بقى.....ياااااااااااااارب
|
في: 10:26 PM, 10/4/2006 | تعليق (0) | اضافة تعليق | رابط |
|
الابطال الحقيقيين
| الابطال الحقيقيين
اليوم سوف اثير واقع ملموس هل الاعمال الدنيا مهينة وهل لو كان والدك او احد اقاربك يعمل كعامل نظافة سوف تنكره للمجرد انه يعمل عمل شريف حتى لايسرق
والله هولاء البش هم اكثر الناس قناعة في صور الريبورتاج هذا اعبر عن مدى اتقان عمله على الرغم من تفاهته الا انه عمل شريف ولا يوجد عمل مهين واخر محترم
وايضا كيف انهم يأكلون بسلام وغير عايئين بايه مستخبي بكرة والله انهم لا يعانون اكتئاب ولا امراض نفسية
ارجو تكريمهم واعظائهم حقهم
وشكرا كليب عن الابطال الحقيقية
|
في: 11:10 PM, 6/4/2006 | تعليق (0) | اضافة تعليق | رابط |
|
ظاهرة هطول الامطار بغزارة |
|
ايمي قصة حب لم تكتمل بعد
ايمي احلى واطعم بنت مصرية بجد زي البونبوني متشبعش منه بس متقدرش تكل منه طول الوقت
ايمي من البنات اللي تعرفت عليهم في النت بدون سابق معرفة وقصة تعارفنا غريبة ومش هقدر اقولها لانها سر بينا وبس
المهم بقينا اصحاب لابعد الحدود وزي ما قلت مقدرش استغنى عنها ولا يوم لازم افكر فيها واقول تلاقي ايمي بتعمل كذا وكذا
انا عارف انك مشغولة شويه في امتحانتك ربنا يوفقك لانك بنت جدعة بكل معنى الكلمة ووقفتي جنبي كتير وكنت مستعمعة لشكواي فوق المثالية
قررت اعملك بلوج خاص بيكي لانك تستهالي كتير وربنا يوفقك يا ايمي يا احلى الوجوه المصرية فرعونية اصيلة ميرسي ليكي يا ايمي اخوكي وصديقك تيمو |
في: 11:02 PM, 6/4/2006 | تعليق (0) | اضافة تعليق | رابط |
|
لسه بحبك
|
 هاي لولو
انا عارف انك هتتعجبي اني مكتبتش اي شئ من فترة طويلة بس والله كنت بفكر اقول ايه مبروك ولا هارد لاك لنفسي
عارف انك مخطوبه دلوقتي وفي تجهيزات الجواز ربنا يوفقك بس في حاجات كنت احب اعرفك اني لسه بفكر فيها ومش عارف اعملها فورمات من دماغي
انت بجد وحشاني جدا والله العظيم وبقالك كام يوم روحك بتطوف حواليا فكرت ابعتلك او اكلمك بالمسنجر بس ضميري مكنش هيبقى مرتاح
حبيت اقولك اني الذكريات بينا مش هتنتهي ولو انتي نسيتي اسمحيلي افتكرها لانها الدوا ليا من جروحي
ليلى والله بتمنالك كل نجاح في انجلترا
ويارب تكوني بتفتكريني زي ما انا هفتكرك
انا على فكرة لسه بحبك ويمكن اكتر انتي جرحتيني في قلبي خلاص
وكنت بقولك اول ما اتعرفنا انا خايف نحب بعض وانتي قولتي احنا هنبقى اذكى من اننا نقع في الحب بس ده اللي حصل انا متعلق بيكي وكل مرة بطلع صورك واقعد اتفرج عليها والدموع مبتفرقنيش انا جرحتي قلبي وهو مش هيسمحك
انا يمكن اصالحك بس هو لا والف لا لانك وعدتيه بانك مش هتجرحيه
انا لسه على عهد حبك مش قادر انساكي والله العظيم
يارب انت عالم ايه اللي بيا
ياريت اعرف ردك
وتفتكري انا حبيتك قد ايه وهفضل احبك قد ايه
احتفظي بيها انا لسه محتفظ بيها لغاية دلوقتي صاحب القلب المكسور
دحاتم البيطار
|
في: 10:51 PM, 6/4/2006 | تعليق (0) | اضافة تعليق | رابط |
|
ظاهرة اطفال الشوارع الى متى؟
|
ظاهرة اطفال الشوارع الى متى؟ مش عارف ابدأمنين الحكاية والوم مين واحنا كلنا متهمين في هذة القضيه
كل طفل شوارع احنا بنقتل ادميته كل يوم
احب اقول اني عمري ما كنت باخد بالي منهم الا في الاشارات ومن كترتهم اتعودت اشوفهم وكانهم شئ عادي زي الشحاتين والباعة المتجولين
بس الموضع كبر قوي ومبقاش مسئوليه الحكومة ده كل ولد بيهان او يعذب اوبنت تغتصب او تحرش جنسي بيشفوه احنا هنتسأل عليه
في مرة كنت بتابع برنامج حياة بتاع نجوى ابراهيم على قناة دريم 2
شوفت حلقة كاملة عن اطفال الشوارع قطعت قلبي والله وخصوصا البنات اللي اغتصبت وهي عندها 12 سنة وكمان اولاد صبيان كمان
في بنت بعد ما اغتصبت قطعوا صوابع ايدايها شوفو الوحشية وصلت لفين مش كفايه اغتصابها لا وكمان عاهة عشان تخاف تبلغ عنهم
حاجة تكسف بجد!الرسول اوصى بهم وقال انا وكافل اليتيم كهاتين واشار بالسبابة والوسطى
وهذا دليل قاطع انا اللقطاء واليتمى محدش اختار ظروفه ديه
بمناسبة الصورة كنت بصور مرة شوارع مصر المحروسة وراجع من العيادة بالليل في منطقة جزيرة بدران او اول شبرا بالقرب من نفق شبرا وجدت الاطفال يتقتربون مني وبيقولوا صورنا يا عمو الصحفي ومن الواضح اني الصحفيين عملوا موضوع عنهم بس لازال قيد الادراج المغلقة
المهم كانوا بيسألوا اذا كنت صحفي وبعمل موضوع هينزل واذا كانت صورتهم هتنزل الجرنال
المشكلة انا كنت فاكر انهم هيغضبوا لو صورتهم ولكنهم قعدوا يتحيلوا عليا اصورهم
وكانت هذة الصورة اللي بحس انها احلى صوري لان عيونهم بريئة جدا ولكن وشهم مغطى بالتراب...!
كل ماشوف فلم تيتو
يصعب عليا الولد اللي كان بيتبناه وازاي تيتو بيحاول يصلح ما افسدته البيئة اللي حوله
كل ما اسمع كلمات الاغنية جسمي يقشعر كلمات الاغنية
الحكاية متنتهيش لطفل جوايا كان نفسه في يوم يعيش
والحكاية متنتهيش
دلوقتي بس عرفت اني مكتوب على جبيني اني اللي فات مبيتنسيش
والماضي لسه قادر يعيش كانت حكايه وعشت فيها عمري وايامي
بس الزمان مرديش يمكن تموت يمكن تعيش
يمكن تموت يمكن تعيش اللي كان مأثر معايا ان تيتو نفسه عاش نفس ظروف الولد بس هو مشي غلط فحاول يحقق شئ كان نفسه يعيشه وحاول يثبت ان مفيش واحد بينحرف عشان هو عايز كده لكن عشان الظروف اجبرته يعمل كده
المهم عايز اعرف انتو بقى رأيكم ايه
الحكومة نعمل ملجأ ولا احنا نساعدهم بفلوس هيصرفوه في الشر ولا نبلغ عنهم الشئون الاجتماعية ولا نكون جمعية اهليه للعناية بهم في كل حي
يارب اعتقهم من ظروفهم واكتب لهم الحياة الكريمة |
في: 5:18 PM, 6/4/2006 | تعليق (0) | اضافة تعليق | رابط |
|
yeah she is dead
| yeah she is dead it is a horrible feeling,experience
it is a dark place
cold so scary i admit i didnt exert so much force to help her when i was carrying her body and she was so warm some thing
go with my blood and her position beside the window and the rays of sun
drop in her face let me me fear and
confused is that the reality of death lay down a lone
no body is care
so many times disappointed her
black suit black dress black day yes black is the official color today
3 peolpe i used to say the death day for them is the mercy itself
my uncle rafat who travel from 20 years to europe with no news about him
i think he is deied right nowand also my cousin maha she was born in pain she coldnt sleep
until take pain killers medication
also my grnd ma she was 82 and started to be act like a child
after 10 years she got zahimar and insomnia she was a wake all time
she couldnt goto toilet a lone
i think she is now in peace
may god for give us all muslims
crap our life is like crap it is the truth
but what we can do we have to live it as it is
with every single moment of joy and sorrow
we lift our grand ma in dark hole cold and scary besid the mountain
i wake up to find something is missing but i dont know what is it really
but i try to configure it outbut no one notice
is death is like deep sleep or worst
as in movie final destination one of character asks "is it hurt when people dies?"
this feelings let me ask my self what is joyness
and happiness,i think no body have any answer
some say the happiness in achievements at work or studying
other say it is in money and celibirty
or having family and children
and peace of mind
but i think u will find it in closing ur relation to god
happiness is like a spark and few moments u can feel happy while we strugle
in our life |
في: 12:10 AM, 13/2/2006 | تعليق (0) | اضافة تعليق | رابط |
|
نيرو احلى بنوتة من النت
|
نيرو احلى بنوتة على النت بجد مش عارف اقول ايه عليكي بجد انتي خليتني اعجب بيكي من غير ما اعرفك والله واثرني جدا اسلوب كتابتك واديني عامل بلوج كامل باسمك ولو تسمحي نكون اصحاب وديه حاجة تسعدني هقتبس من مدوناتك مدونة عجبتني وياريت تعجب قراءي ويقدرو سر اعجابي بيكي يا نيرمين وعلى فكرة فيكي شبه من هند صبري
المدونة بتاعتكي العزبة وسر تألق كتابتك فيها
- ساعات بحس بوحدة رهيبه و انا وسط الدنيا كلها...مع اصحابي او عيلتي...او اي حد بحبه.
- ساعات مبقدرش اقول "لأ" لحد بحبه علي اي حاجه يطلبها...مع انها اول كلمات قاموسي اللغوي.
- ساعات كتير بحس ان الناس مش بتفهمني صح...و بيعاملوني علي اني زايرة من كوكب زكزك.
- ساعات بيبقي نفسي اقول حاجه لحد معين....بس بتكتم مره واحدة قبل ما انطق حرف واحد حتي.
- ساعات بزعل لما حد بيقولي اني ممكن ابقي زوجه هايله...بس أم....أشك؟!! ليه يعني....انا صحيح ماليش في الأطفال قوي..بس لما يبقي عندي ابن او بنت الموضوع هيبقي مختلف.
- ساعات القريبين مني بيتخنقوا من خوفي و قلقي عليهم.
- ساعات مبفهمش تلميحات الأخرين لحاجات معينه....ما اسهل ندخل في الموضوع من غير لف و دوران.
- ساعات بعشق اللفلفه في الشوارع دون التفكير في الوصول لوجهة محددة.
نيرو
احلى صديقة نت في الفترة الاخيرة |
في: 5:51 AM, 22/11/2005 | تعليق (3) | اضافة تعليق | رابط |
|
بتشرب سجاير..........؟
| بتشرب سجاير..........؟ هي عادة ولا ادمان مش عارف المهم انها عادة زفت بس ساعات الواحد بيحتاجها ولما بيشربها بيهدئ شوية
الموضوع بدئ معايا من ايام الكلية ولما ببطل ايام رمضان كنت بفطر عليها والموضوع كان بيزيد ايام الامتحانات والنتيجة ودلوقتي في التكليف بشرب علبة كل يومين
وبصراحة حاسس اني مش قادر ابطلها دلوقتي خالص
وحاسس اني لازم اتوقف لاني زهقت من الكحة والنهجان منها بس ساعات بحتاجها اكتر من المياه والاكل
صورتي هنا بتبين اني في في مرحلو الاشعال والكيف واخد حده معايا
بس والله الظروف ملطش معايا فبشرب بدل ما اولع في نفسي بولع سيجارة
تفتكرو هبطلها امتى بقى...؟ |
في: 5:49 AM, 22/11/2005 | تعليق (1) | اضافة تعليق | رابط |
|
هل الصداقة تدوم.....؟
|
هل الصداقة تدوم.....؟ في الصورة صداقة دامت اكتر من سبع سنوات وهم اصدقاء الكلية وهي شلة البنات اصحابي روني وهدهد وانا وروبي
وكمان كانت بسمة بس مش في الصورة ياااااه صداقة من فترة طويلة واخر مرة اتقابلنا كانت بعد العمرة بتاعتي وكنت بحاول اجمعهم باقلي فترة طويلة عشان اديهم الهدايا بتاعتهم
وحصل المراد وعشان حسيت ان احنا هنتفرق عشان التكليف قررت اخذ صور لينا معا وهتبقى احلى ذكرى عشان كده دماغي زي رفرف العربية وزيرو وهم فراحنين فيا انى شعري زيرو لاني كنت متعود اطوله بس العمرة بقى
والله صداقتنا كانت متينة جدا للدرجة اسرارنا مع بعض ونفضفض لبعض ونهزر مع بعض
دلوقتي لو حد منا بيرن لتاني يبقى كويس او رسالة في مناسبة او كل فين وفين لما نكلم بعض وطبعا تليفونيا وبخاصة ان احنا مش بنشوف بعض
تفتكرو علاقتنا هتدوم
الصورة موضحة ترابطنا تفتكرو بعد عشر سنين ايه اللي هيحص......؟
وهل الصداقة هتدوم......؟ |
في: 5:47 AM, 22/11/2005 | تعليق (0) | اضافة تعليق | رابط |
|
dr hatem web1
dr hatem official web2
c my fotos here
dr hatem's cv
dr hatem guest book
dr hatem fotos at flicker
ليست هناك تعليقات:
إرسال تعليق