وانا رايح
الميدان
شوفت ناس كتير اعرفها من
زمان
زملاء من الجامعة واعدادي
وثانوي كمان
بصيت في عيونهم لقيت نظرة بريق ولمعان
ورغم اني كنت حاسس بغربة
وتوهان
الا اني حسيت بدفء في عوز
الشتا وكأني حران
ايام جميلة محفورة في ذهني
حتى الان...
قلبي بيضرب زي الطبول من
كتر الخفقان
كنت خايف من جبني وزعلان
وحاسس اني بعوم في بحر
مالوش شطئان
وخايف من كتر تعبي اموت
غرقان
لقيت ايد طاهرة بتتمد ليا
بكل عرفان
وناس نقية وطنية بتقول اجمد
يا مصري
وارفع راسك فوق ده خلاص
هانت وهنخلص من القهر
والخزي والهوان
نسيت جراحي من خرطوش غادر
شمتان
ولا اني بقالي يومين مستحمل
الجوع عطشان
سمعت موجة تانية من
الشباب الملايكة بتهتف
ارحل ارحل يسقط النظام
بصيت النحية التانية لقيت
راجل كبير غلبان
لسه فاكره ....رافع يافطة
كبيرة
عليها شرطان
اما الرحيل او الاعدام
بصيت في عينه مسكت ايده
فرحان
ذرفت دمعة على خدي حيران
هل هتنجح الثورة ولا هنموت
على صلبان
شد على ايدي ومسح على شعري
في حنان
يا ابني يا مصري ده مصيرنا
من زمان
مكتوب علينا نحارب الفساد
الوان
بنا وبين الظلم زي السما
والارض فرقان
د حاتم البيطار
ليست هناك تعليقات:
إرسال تعليق