د حاتم البيطار حاجات كتيرة اتغيرت

 

د حاتم البيطار  حاجات كتيرة اتغيرت

بقالي سنتين مخنوق والله ما بقيت عارف من ايه

من كتر الحاجات اللي خنقاني

يمكن عشان التغيير بيكون دايما

حاجة مختلفة وان الانسان بيخاف من المجهول

كنت قاعد قاعد بتكلم مع شخص واثير الموضوع ده

قعدت افكر من يوم 1-1-2011 واول يوم في السنة تحصل

هوجة القديسين وعلى فكرة حسيت ان الموضوع مش مجرد حادث

حسيت ان فيه حاجة هتحصل والله هذا ما شعرت

ليحدث ما لم يكن متوقع ثورة تونسية يليها ثورة مصرية

المهم اني انا مبقتش انا متغير مودي اغلب الوقت متغير

مفيش حاجة بتبسطني عارف ان التغيير بياخد وقت

ومفيش حرية من غير تضحيات

وبندفعها دلوقت

وهندفعها كمان يمكن عشان ده الثمن  محدش عارف الخير فين

المهم مبقتش قادر اعيش الحاجات اللي كانت بتبسطني

الكلام محشور في زوري مش عايز يطلع وشكلي هرجع اكتب لنفسي تاني فيه حرية اكتر وفيه تفريغ عن شحنات اعلى

نفسي ارجع تاني لنفسي

بجد عايز اصالح نفسي اوي

عايز ارجع اتذوق الحياة بنفس الطعم

انزل اتمشى الفجرية من غير هدف مفكرش بكرة شايل ايه

مشيلش للدنيا هم مزعل مهما حصل

اضحك على ايه حاجة رخمة بتحصلي

ارجع افتح للدنيا قلبي من غير ما افكر

حاجات كتيرة اتغيرت

في حياتي الشخصية...العائلية

في شغلي ف صحتي  في تفكيري في معتقداتي في روتيني

في اولوياتي لو ارجع ليوم من ايام الحياة القديمة كانت بسيطة

مبفكرش في تعقيدات الحياة ولا بفكر في بكرة

د حاتم البيطار